Azərbaycan, Bakı, 29 aprel/ Trend , müxbir E.İsmayılov/ Koreyanın GS Engineering & Construction şirkəti mayda Azərbaycanda yeni beynəlxalq dəniz ticarət limanının tikintisi layihəsi üzrə texniki-iqtisadi əsaslandırmanın (TİƏ) hazırlanmasını başa çatdıracaq. Bu barədə çərşənbə axşamı Azərbaycanın nəqliyyat nazirinin müavini Musa Pənahov məlumat verib.
TİƏ təsdiq edildikdən sonra yeni limanın tikintisi üzrə podratçının müəyyən edilməsi ilə bağlı tender elan ediləcək.
Azərbaycanın Maliyyə Nazirliyi Societe General, BNP Paribas, Çexiyanın Eximbank bankına Bakıdan kənarda, Ələt qəsəbəsi yaxınlığında yerləşəcək yeni limanın tikintisinin maliyyələşdirilməsi üzrə təklifləri təqdim etmək xahişi ilə artıq Societe General, BNP Paribas, Çexiyanın Eximbank bankına müraciət edib.
İlkin qiymətləndirmələrə görə, layihə $396 mln., neft terminalı nəzərə alınmaqla isə $450 mln.-dan artıq qiymətləndirilib. Lakin son məlumatlara görə, birinci mərhələnin qiyməti əvvəllər planlaşdırılımış $225 mln.-dan $300 mln.-dək artıb.
Hökumət infrastrukturun yaradılmasını öz vəsaitləri hesabına həyata keçirmək niyyətindədir. Lakin ola bilsin ki, işlərin 80 faizi xarici kreditlər hesabına maliyyələşdiriləcək.
Gələcəkdə liman ərazisində azad iqtisadi zonanın yaradılması planlaşdırılır. Limanın tikintisi üçün bünövrənin 2008-ci ilin birinci yarısında qoyulması planlaşdırılır.
Limanın tikintisinin birinci mərhələsi 2008-2011-ci illəri, ikinci - 2011-2013-cü illər, üçüncüsü isə 2013-2015-ci illəri əhatə edəcək. Hər mərhələdə müəyyən infrastrukturun - quru yüklər üçün meydançanın, konteyner terminalının, böyük parkın və s. yaradılması planlaşdırılır.
Müəlliflə əlaqə saxlamaq üçün elektron ünvan: [email protected]