Azərbaycan, Bakı, 03 may / Trend müxbir S.Babayeva/ / NMR-in Bakıdakı daimi nümayəndəliyindən şənbə günü bildirilib ki, birinci rüb ərzində Naxçıvan Muxtar Respublikasında (NMR) ÜDM- in həcmi 2007-ci ilin anoloji dövr göstəricisinə nisbətdə 21,8 faiz və ya 126 mln. manata qədər artıb.
Bu dövr ərzində ÜDM strukturunda 44 faiz və ya 55,3 mln. manat əmtəə istehsalının payına düşüb. Göstərilmiş xidmətlərə görə 67 mln. manat (53 faiz) əlavə dəyər formalaşıb. Bu göstəricinin 2,9 faizi və ya 3,6 mln. manatı məhsula qoyulan xalis vergi və idxalın payına düşüb.
Yanvar-mart ayları ərzində sənayə sahəsində 24 faizlik (30,21 mln. manat) əlavə dəyər formalaşıb. Bu göstəricinin 6,6 faizi (8,2 mln. manat) kənd təsərrüfatı, 13,4 faiz (16,8 mln,manat) tikinti, 4,2 faiz (5,3 mln. manat) nəqliyyat, 3,3 faiz (4,1 mln. manat) rabitə sektoru, 22,7 faiz (28,5 mln.manat) topdan və parakəndə satış, həmçinin, avtomobil və müxtəlif məişət avadandığının təmirinə aiddir.
