...

Azərbaycan və Cənubi Koreya hökuməti Bakıda birinci gəmiqayırma zavodunun dislokasiya yerini dəqiqləşdirəcəklər

Biznes və iqtisadiyyat xəbərləri Materials 5 May 2008 20:18 (UTC +04:00)

Azərbaycan, Bakı, 05 may/ Trend , müxbir İ.Xəlilova/ Azərbaycanda birinci gəmiqayırma zavodunun dislokasiyası məsələsi Cənubi Koreyanın Baş naziri Han Sın Sunun (Han Seung-soo) mayın 19-da Bakıya səfərinin gedişində dəqiqləşəcək. Bu barədə Azərbaycan İnvestisiya Şirkəti (AİŞ) icraçı direktorunun müavini Riad Qasımov məlumat verib.

"Hazırda, onun dislokasiyasının bir neçə variantı müzakirə edilir ki, bu da yeni beynəlxalq limanın yerləşəcəyi məkandan asılıdır, - Qasımov qeyd edib. Biz Azərbaycan hökumətindən limanın yerləşməsinə dair konkret yer və şərtlər haqqında məlumat gözləyirik. Bu məsələ Cənubi Koreya hökuməti rəhbərinin səfəri çərçivəsində həll olunacaq".

Onun sözlərinə görə, bundan sonra hüquqi məsələlərin hazırlanması və gəmiqayrıma zavodunun tikintisi layihəsinin reallaşdırılmasına görə məsuliyyət daşıyan şirkətin qeydiyyatı başlayacaq. Bununla yanaşı, Cənubi Koreyanın ST holdinqi ilə bütün məsələlər üzrə razılıq əldə edilib. STX-in hazırladığı layihənin texniki-iqtisadi əsaslandırılması zavodun Ələtdə tikilməsinə yönəlib.

"Hökumətin qərarına əsasən, ola bilsin ki, hansısa digər yer ayrılacaq. Lakin, əsas səhmdarla Ələt qəsəbəsi üzrə danışıqlar aparırıq, - Qasımov bildirib. Zavodun yerləşəcəyi yer dəyişdirildiyi halda, layihənin TİƏ-a kiçik dəyişikliklər ediləcək".

Mövcud TİƏ variantına əsasən, yeni zavodun tikintisi $400 mln.-a başa gələcək (limanın tikintisi xərcləri nəzərə alınmadan). Ələtdə tikildiyi halda, zavoda əlavə kanalların tikintisi tələb olunacaq. Limanın yaxınlıqda yerləşəcəyini nəzərə alaraq, ümumi infrastruktur yaradıla bilər. Lakin, zavod ayrıca yerləşərsə, qiymətə düzəliş edilə bilər.

Zavod dedveyti 30 minədək olan gəmilərin tikintisinə hesablanacaq. STX-in məlumatlarına görə, bu mümkün olacaq.

"Xəzərin dərin olmadığını nəzərə alaraq, biz 15 min tonluq gəmilər tikməyi nəzərdə tuturduq. Lakin, STX hesab edir ki, 30 minliklərə ehtiyac var, - Qasımov bildirib. Böyük gəmilərin digər su hövzələri vasitəsilə Xəzərə keçəmələri mümkün olmadığı üçün, bir neçə 30 minlik istehsal etməyə dəyər. Lakin, əsas güc kiçik subasımı həcmlərinə yönələcək".

Belə böyük gəmilərə yalnız Xəzər regionu xidmət göstərəcək. Belə ki, onlar hətta Volqa-Don kanalı vasitəsilə Xəzərə düşə bilməyəcəklər.

Zavod ən yaxşı halda bu il başlaması planlaşdırılan tikintidən üç-dörd il sonra istismara veriləcək. Obyektin 2011-ci ildə istismara verilməsi nəzərdə tutulur. Qasımovun rəyinə görə, idəl ən azı səkkiz-yeddi gəmi tikilə və ya təmir edilə bilər.

Qasımov Cənubi Koreya Baş nazirinin səfərinin gedişində əsas səhmdar sənədinin imzalanacağına ehtimalın az olduğunu hesab edir. Belə ki, hazırda təşkilati məsələlər müzakirə edilir. Lakin, onun səfəri bu prosesi sürətləndirə və yay ərzində əsas sənədlər imzalana bilər. AİŞ və STX tərəfindən yaradılan əməliyyat şirkətinin səhmdarlarının Azərbaycan Dövlət Neft Şirkəti və XDG-nin olması mümkündür.

Layihənin birgə maliyyələşdirilməsi haqqında memorandum 2007-ci il aprelin 24-də Seulda, AİŞ və STX arasında imzalanıb. Layihənin TİƏ-si STX-in törəmə şirkəti tərəfindən hazırlanıb. Koreya Holdinqi əsas səhmdar kimi çıxış edəcək. AİŞ isə 25 faiz iştirak payı almağı planlaşdırır.

Gəmiqayırma zavodu Azərbaycanın Qaradağ rayonunda yeni neft terminalı və limanın tikintisi layihəsinə qarşılıqlı əlavə olacaq. Bu terminal vasitəsilə sonradan Bakı-Tbilisi-Ceyhan kəmərilə Avropaya tranzit üçün Qazaxıstan nefti nəql ediləcək. Qazaxıstan tankerləri Xəzər regionunun digər gəmiləri kimi, AR-nın gəmiqayırma zavodundan təmir edilə bilər. Güman edilir ki, regionda analoji müəssisə olmayacaq və gəmilərin tikintisi üçün sifarişlər həm ölkə daxili, həm də ölkə xaricindən qəbul ediləcək.

Mayın 5-nə olan rəsmi məzənnə - 0,8287 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti