Azərbaycan, Bakı, 13 may/ Trend , müxbir İ.Xəlilova/ İslam İnkişaf Bankı (İİB) 2008-ci il maliyyə ili çərçivəsində, Azərbaycanın üç layihəsinin maliyyələşdirilməsinə ilkin razılıq verib. Bank üçün üçün $100 mln. ayıra bilər. Bu barədə çərşənbə axşamı ölkənin Nazirlər Kabinetindən məlumat veriblər.
İki layihənin - üç kiçik şəhərdə (Ağcabədi, Balakən və Beyləqan) su təchizatı və kanalizasiya sisteminin bərpası və Bəhramtəpə avtomobil yolunun yenidən qurulması layihəsinin maliyyələşdirilməsi üçün kerdit ayrılacaq, Mil-Qarabağ kollektorunun yenidən qurulması layihəsi üzrə texniki-iqtisadi əsaslandırılmanın hazırlanması üçün qrant ayrılacaq.
Azərbaycan hökuməti su layihəsi ilə bağlı, İİB-dən mayda qiymətləndirmə komissiyası göndərməyi xahiş edib. İlkin hesablamalara görə, onun reallaşdırılmasına $58 mln. cəlb etmək planlaşdırılır. İİB-in maksimal güzəştli kredit məbləğinin 7 mln. islam dinarı ($10,5 mln.) olduğunu nəzərə alaraq, su layihəsinə kommersiya maliyyələşdirilməsi cəlb edilə bilər. Hökumət bu layihə üçün güzəştli kredit istəyib. Bu, maliyyələşdirmənin tranşlarla həyata keçirildiyi halda mümkündür.
Hökumət, su layihəsindən fərqli olaraq, Nəqliyyat Nazirliyinin yol təsərrüfatının bərpası üzrə işlərinin çox olması ilə əlaqədar, yol layihəsinin reallaşdırılmasına tələsmir.
İlkin qiymətləndirmələrə görə, $40 mln. cəlb ediləcəyi gözlənilir.
İrriqasiya layihəsinin TİƏ-i üçün $300 min məbləğinədək qrant alınacağı gözlənilir.
Bankın Azərbaycanda maliyyələşdirdiyi layihələrdən yalnız dördü kommersiya şərtləri əsasında olub və onların məbləği $61 mln. təşkil edib. Onlar Ələt-Qazıməmməd avtomobil yolunın, Mingəçevir elektrik stansiyası, Ucar-Yevlax yolunun və Xaçmaz yarımstansiyasının tikintisi layihələrinin reallaşdırılmasına yönəlib. Əvvəllər kommersiya kreditinin məbləği $20 mln.-a məhdudlaşırdı. Lakin, 2,5 il əvvəl bank tərəfindən bu həddin $100 mln.-dək artırılması barədə qərar qəbul edilib. Bununla əlaqədar, modul stansiyalarının tikintisi layihəsi nəzərdən keçirilib. Lakin Azərbaycan bu kreditdən imtina edib. Eyni zamanda, Azərbaycan bu məbləğin ayrıldığı ilk ölkələrdən olub. 2007-ci ildə Mingəçevir elektrik stansiyasının tikintisinin ikinci fazasının reallaşdırılmasına $80 mln. ayrılıb.
Mayın 13-ə olan rəsmi məzənnə - 0,8269 AZN/USD.
Müəlliflə əlaqə saxlamaq üçün elektron ünvan: [email protected]
