Azərbaycan, Bakı, 19 may / Trend , mübir İ.Xəlilova/ Azərbaycanda ÜDM yanvar-aprel aylarında 2007-ci ilin anoloji dövr göstəricisi ilə müqayisədə 15 fazi artıb. Bu haqda Dövlət Statistika Komitəsindən bazar ertəsi məlumat verilib. Cari qiymətlərdə ÜDM göstəricisi 11172,4 mln. manat təşkil edib. Əhalinin adambaşına düşən ÜDM həcmi 13,6 faiz artaraq 1310,6 manat ($1560,4) təşkil edib.
İqtisadiyyatın bütün sahələrində məhsulun ümumi istehsal həcmi 17 faiz artaraq ÜDM-dən 74,1 faiz təşkil edib. Burda əsas hissə - 6,66 faiz (7436,1 manat) sənayenin payına düşüb. ÜDM-də xidmət sahəsinin xüsusi çəkisi 18,4 faiz təşkil edib. Xidmət sahəsində əlavə dəyər istehsalı ötən ilin anoloji dövr göstəricisi ilə müqayisədə 10,2 faiz artıb. ÜDM-də məhsuldan və idxaldan gələn təmiz vergi 7,5 faiz təşkil edib.
Bu müddət ərzində kənd təsərrüfatı, ovçuluq sektoru və meşəçilikdə 151,4 mln. manatlıq əlavə dəyər istehsal olunub, bu isə ümumi ÜDM-dən 1,3 faiz təşkil edir, inşaat sektorunda - 691,9 mln. manat (6,2 faiz), nəqliyyat sektorunda - 421,8 mln. manat (3,8 faiz), rabitə sektorunda - 175 mln. manat (1,6 faiz), avtomobil və məişət avadanlığı sahəsində topdan və parakəndə satış və şəxsi əşyaların təmiri xidmət sahəsində - 607,6 mln. manat (5,4 faiz), restoran və mehmanxana sektorunda - 88,7 mln. manat (0,8 faiz), sosial və digər xidmətlərin göstərilməsi 757,8 mln. manat (6,8 faiz).
Müəlliflə əlaqə saxlamaq üçün elektron ünvan: [email protected]
