Azərbaycan, Bakı, 19 may/ Trend , müxbir S.Babayeva/ Birinci rübdə Azərbaycanda tikinti işlərinə 778,4 mln. manat sərf edilib ki, bu da 2007-ci ilin eyni dövrü ilə müqayisədə 20,4 faiz çoxdur. Bu barədə Dövlət Statistika Komitəsi məlumat verib.
Tikintinin ümumi həcmində dövlət müəssisələrinin pay 208,8 mln. manat, özəl müəssisələrin isə 596,6 mln. manat təşkil edib.
Ümumi həcmdən 597,6 mln. manat (76,8 faiz) yeni tikililərə, bərpa və genişləndirməyə, 97,1 mln. manat (12,5 faiz) əsaslı təmirə, 37,3 mln. manat (4,8 faiz) cari təmirə, 46,1 mln. manat (5,9 faiz) digər tikinti işlərinə sərf edilib.
