Azərbaycan, Bakı, 30 may/ Trend müxbir E.İsmayılov/ İranKhodro şirkəti ilə birlikdə Şamaxı avtomobil sahibinə malik olan Evsen şirkətlər Qrupu 2009-cu ildə zavodda istehsal olunan Soren avtomobillərinin və Aziz markalı avtomobillərin modifikasiyasının ixracına başlamağı planlaşdırır.
Bu il Şamaxı avtomobil zavodunda 2,5 min, növbəti il isə, 5 min avtomobil istehsal etmək planlaşdırılır.
Müəssisənin istehsal gücü ildə 3,6 min təşkil edir. Növbəti ildən etibarən, yeni avadanlığın quraşdırılması hesabına, istehsal gücünü 10 minədək genişləndirmək planlaşdırılır.
Mayın sonunda Türkiyənin Evsen Şirkətlər Qrupu, İranKhodro zavodu və İranın İxrac İnkişaf Bankı arasında Azərbaycanda Azsamand EL (4 min), Azsamand LX (4 min), Azsamand Soren (2 min) markalı avtomobillərin istehsalı üzrə müqavilə imzalanıb. Sazişin məbləği - $73 mln.
Müəlliflə əlaqə saxlamaq üçün elektron ünvan: [email protected]
