Azərbaycan, Bakı, 05 iyun/ Trend , müxbir İ.Xəlilova/ Dünya Bankı (DB) Azərbaycanın maliyyə sektorunun müasirləşdirilməsinə texniki yardım layihəsini dəstəkləməyə hazırdır, lakin bu artıq Beynəlxalq Yenidənqurma və İnkişaf Bankının vəsaitləri hesabına mümkün olacaq. Bu barədə cümə axşamı DB-nin Bakı nümayəndəliyindən məlumat veriblər.
"Azərbaycan ölkə üçün sonuncu kvota çərçivəsində güzəştli maliyyələşdirmədən istifdə edə bilməyib. Lakin bu, dövlətin maliyyə sisteminin inkişafı üçün çox zəruri layihədir, - bankda hesab edirlər. Buna görə də DB onu növbəti maliyyə ilində maliyyələşdirməyə hazırdır".
Ölkəyə sonuncu güzəştli kreditin verilməsindən imtina Azərbaycan tərəfinin günahı üzündən baş verib. Belə ki, Azərbaycanın Maliyyə Nazirliyi Danışıqların gedişində layihənin komponentlərin bir neçəsini dəyişməyi təklif edib. DB nümayəndələrinin rəyinə görə, özəl pensiya fondlarının tətbiqi sahəsində qanunvericiliyin öyrənilməsi tətbiqi üzrə təklif olunan komponentin hazırlanması üçün kifayət qədər vaxt olmayıb. DB-nin maliyyə ili iyunun 30-da başa çatır. Müvafiq olaraq, bankın layihəni Direktorlar Şurasında təsdiqləməsi üçün vaxt çatmazdı.
Maliyyə Nazirliyi bu komponenti Milli Bankın təklif etdiyi tədbirlərin əvəzinə, layihəyə daxil etməyi təklif edib. Milli Bank tərəfindən təklif olunmuş tədbirlər aşağıdakılardır: İnternet şəbəkəsi vasitəsilə AMB-nin maliyyə məlumatlarına çıxışın və şəffaflığın yaxşılaşdırılması, kredit bürosunda mövcud Mərkəzləşdirilmiş Kredit Reyestrinin yeniləşdirilməsi; on-line rejimdə reyestrin işinin təmin edilməsi, istehlakçı və müəssisələr üçün kredit tarixlərinin aparılması; kənd təsərrüfatı məhsulları istehsalçıları ilə iş üçün bank və bank olmayan kredit təşkilatlarının tədris proqramları ilə təmin edilməsi.
DB layihənin reallaşdırılması üçün möhlət müddəti 10 il olmaqla, 35 il müddətinə, illik 075 faiz dərəcə ilə $10 mln. məbləğində kredit ayırmağa hazır olub.
Layihə nizamlayıcı və nəzarət rejiminin gücləndirilməsi ilə Azərbaycanın maliyyə bölməsinin sürətli inkişaf nəticəsində meydana çıxan sistemli risklərin qarşısının alınması, çıxış və əsas maliyyə əməliyyatlarının şəffaflığının yaxşılaşdırılmasına yönəlib. AMB-nin komponentindən əlavə, ona, həmçinin, şirkətlərin yerli bazara daha böyük çıxışı üçün bazarda nizamlayıcı və nəzarət rejiminin yaxşılaşdırılması; maliyyə xidmətləri istehlakçılarının hüquqlarının müdafiəsinin gücləndirilməsi üzrə islahatlar daxil olub.
Dünya bankı artıq Azərbaycanın maliyyə bölməsinə texniki yardımın göstərilməsi (FSTA) üçün artıq $5,4 mln., maliyyə xidmətlərinin inkişafına isə, $12 mln. ayırıb.
İyunun 5-nə olan rəsmi məzənnə - 0,8209 AZN/USD.
Müəlliflə əlaqə saxlamaq üçün elektron ünvan: [email protected]
