Azərbaycan, Bakı, 21 iyun / Trend / Cari ilin yanvar-mayında MDB ölkələrindən Azərbaycana 778362,1 min dollar məbləğində mal idxal olunub ki, bu da ölkənin ümumi idxalının 31,53 faizini təşkil edir. Bu barədə Dövlət Gömrük Komitəsindən (DGK) məlumat verilib.
MDB-dən Azərbaycana mineral yanacaq, taxıl bitkiləri, avadanlıq, mexaniki qurğular, qara metallurgiya məmulatları gətirilib.
Azərbaycandan MDB-yə mal ixracının məbləği 637424,4 min dollar (Ümumi ixracın 12,66 faizi) təşkil edib.
MDB ölkələrinə, əsasən, şəkər, şəkərdən hazırlanmış qənnadı məmulatları, neft məhsulları, kimyəvi maddələr, heyvan və bitki yağları, pambıq, tərəvəz və meyvə ixrac olunub.
MDB ölkələri ilə idxal-ixrac əməliyyatları üzrə 140937,7 min dollar həcmində mənfi qalıq yaranıb.
