Azərbaycan, Bakı, 12 iyul / Trend , E.İsmayılov/ Azərbaycanda şəkər çuğunduru istehsalçılarının mənfəəti (İmişli şəkər zavodu tədarükçüləri) , hektara görə, 1000-1700 manat aralığında dəyişir. Bu barədə İmişli şəkər zavodundan bildiriblər. Çuğundurun becərilməsinə sərf olunan xərclər, torpağın bir hektarına görə, 800 manat təşkil edir.
Hər hektardan təqribən 50 ton şəkər çuğunduru yığılıb. Zavod istehsalçılardan şəkər çuğundurunun bir tonunu 43 manata alır.
Şəkər istehsalı üzrə bütün xərclərin təxminən 90 faizi istehsalçılara avans qismində ödənir. Bura hidrotexniki işlər, toxum və gübrə ilə təminat , kimyəvi emal daxildir. Bütün bunlar güzəştli kredit xətti ilə edilir.
Yeddi faiz dərəcəsi ilə verilən kredit sahibkarlığa Yardım Fondu hesabına maliyyələşdirilir. Təsərrüfatı ilinin sonunda zavod tərəfindən sərf olunan xərclər çıxılır, qalan mənfəət isə, həftə ərzində mülkiyyətçilərə ödənir.
Şəkər çuğundurunun yığılması prosesi, demək olar ki,100 faiz mexanikləşdirilb, bu da təxminən 10 min ha şəkər çuğunduru sahəsidir. Türkiyədə bu rəqəm 15 faiz təşkil edir, yığımın 85 faizi əl ilə həyata keçirilir.
Məqalə müəllifi ilə əlaqə ünvanı: capital