Azərbaycan, Bakı, 01 avqust/ Trend , müxbir A.Bədəlova/ Qeydiyyatdan keçmiş daşınmaz əmlakın ümumi həcminin 20 faizi Azərbaycanda Daşınmaz Əmlakın Dövlət Reyestri Xidməti yaradıldıqdan sonra qeydiyyata cəlb edilib. Bu barədə cümə günü Dövlət Xidmətinin rəhbəri Arif Qaraşov məlumat verib.
Xidmət 2008-ci ilin altı ayı ərzində 61612 daşınmaz əmlak obyektinə mülkiyyət hüquqnu qeydiyyata alıb; 20325 obyekt ilkin, 41287 obyekt isə təkrar bazara aiddir. Ötən ilin analoji dövrü ilə müqayisədə, ilkin bazarda fəallıq 11 faiz, təkrar bazarda isə, 21 faiz artıb.
Bu dövr ərzində 9906 ipoekta müqaviləsinin dövlət qeydiyyatı aparılıb, 46841 daşınmaz əmlak obyektinin texniki pasportları tərtib edilib.
Azərbaycanın Daşınmaz Əmlakın Dövlət Reyestri Xidməti artıq 2,5 ildir ki, fəaliyyət göstərir. Xidmətin əsas funksiyası qanunun təyin etdiyi formada daşınmaz əmlakın qeydiyyatını aparmaqdır.
Müəlliflə əlaqə ünvanı- [email protected]
