Azərbaycan, Bakı, 09 avqust/ Trend , müxbir İ.Xəlilova/ Avropa Yenidənqurma və İnkişaf Bankının (AYİB) Millikart Məhdud Məsuliyyətli Cəmiyyətin (MMC) səhmlərini alması məsələsi prosessinq mərkəzin səhmdarları AYİB-in şərtləri ilə tanış olduqdan sonra həll olunacaq, - MMC-nin İcraçı direktoru Cəlal Orucov bildirib.
Onun sözlərinə görə, bir müddət əvvəl bu məsələ ilə əlaqədar AYİB-in missiyası ilə danışıqlar aparılıb. O, sazişin şərtlərinin yerinə yetirilməsinə dair öz təkliflərini təqdim edib. Burada iştirak payı üzrə məsələlər, alınan paketin dəyərinə dair məsələ var. İlkin məlumatlara əsasən, bank 10 -19 faiz civarında paket əldə etməyə ümid edir.
AYİB-in "Millikart"-ın səhmdarlarının sırasına daxil olması əlavə emissiyaların hesabına baş verəcək. Əvvəllər ona ParaBank Səhmdar-Kommersiya Bankının güzəştə getməyə hazır olduğu nominal üzrə 9 faiz səhm vermək planlaşdırılırdı. 2006 - cı il iyulun 14 - də MMC təsis edilərkən, ParaBank 10 faiz iştirak payı ilə onun səhmdarları sırasına daxil olub. Bu günə bankların mərkəzin kapitalında iştiraklarının minimal ölçüsü 1, maksimal 10 faiz təşkil edir. Hazırda o 18 səhmdar tərəfindən 4 mln. manat həcmində formalaşdırılıb. Lakin sonra o, 9 faizi satmaq və öz mülkiyyətində cəmi bir faiz saxlamaq niyyətində olduğunu bildirib.ParaBank bu planlardan imtina edərək, bütün səhm paketini özündə saxlayıb. Bununla əlaqədar olaraq, AYİB-in səhmdarlığa daxil olması əlavə emissiyaların hesabına mümkündür.
2006 - cı ildə ödəmə kartları prosessinq mərkəzi Azərbaycan Milli Bankından alındıqdan sonra onun təsisçiləri aşağıdakılardır : Atabank, Azərdəmiryolbank, Azertürkbank, Bank of Baku, Azerbaijan Senayye Banki, Debütbank, Əmrahbank, Xalqbank, Kredobank, Azərbaycan Mikromaliyyələşdirmə Bankı, ParaBank, Rabitəbank, Bank Respublika, Bank Standard, Texnikabank, Turanbank, UniBank və Zaminbank.
Avqustun 9-na olan cari məzənnə -- 0,8109 AZN/USD.
Müəlliflə əlaqə saxlamaq üçün elektron ünvan - [email protected]