Azərbaycan, Bakı, 27 avqust/ Trend Cap , müxbir İ.Xəlilova/ Alman İnkişaf Bankı KfW Azərbaycanın İqtisadi İnkişaf Nazirliyi ilə Almaniyanın Beynəlxalq Əməkdaşlıq üzrə Əmanət Kassaları Fondunun (SBFİC) məsləhətçisinin Kredit-Zəmanət Fondunun (KZF) meneceri qismində işə başlaması barədə müqavilə bağlayıb,- KfW-in Bakı ofisinin rəhbəri Natiq Abdullayev çərşənbə günü bildirib.
"Bank və İİN sənədlərin müabiləsini aparıblar və məsləhətçi artıq işə başlaya bilər, - Abdullayev bildirib. - SBFİC-in nümayəndələri artıq dünən Bakıya gəliblər".
İİN ilə KZF vasitəsilə kreditlərinə zəmanət veriləcək bankların siyahısı da razılaşdırılıb. KfW birinci mərhələdə Alman-Azərbaycan Fondunun tərəfdaşlarını - Bank of Baku, Bank Respublika, UniBank, Para Bank, Azerdemiryolbank və Azerigazbank-ı agent-banklar kimi cəlb etməyi təklif edib.
KfW Kredit-Zəmanət Fondunun yaradılması üçün Azərbaycana 4 mln. avro ayırıb. Bu vəsaitdən 3,75 mln. avro Fondun yaradılmasına zəmanət qismində, 0,25 mln. avro məsləhətçinin xidmətlərinin ödənilməsi üçün nəzərdə tutulub. Abdullayevin sözlərinə görə, Fond, hesablaşma hesabı kimi KfW-in mənzil-qərargahında fəaliyyət göstərməlidir. Azərbaycan bankları müraciət etdikcə, məsləhətçi onları yoxlayacaq və zəmanət üçün KfW-in qarşısında çıxış edəcək.
Azərbaycan bankları AAA+ reytinqinə malik KfW-in özünün kredit şərtləri əsasında beynəlxalq banklardan vəsait cəlb edə biləcəklər. İlkin mərhələdə Fondun həcmi 2,3 mln. avro olacaq. Kredit-Zəmanət Fondu bankın cəlb etdiyi kredit xətlərinə limit qoymur, lakin birinci mərhələdə zəmanətin məbləği 500 min avronu ötməyəcək. Banklar KfW-in zəmanətlərini cəlb edərkən, bir borc alana 150 min avrodan çox məbləğdə kredit verə bilməyəcəklər.
Avqustun 27-nə olan cari məzənnə -- 0,8137 AZN/USD.
Müəlliflə əlaqə saxlamaq üçün elektron ünvan: cap
