Azərbaycan, Bakı, 03 sentyabr / Trend / "TRACECA nəqliyyat dəhlizinin milli katiblərinin iclası oktyabrın 7-8-də Brüsseldə keçiriləcək", - deyə çərşənbə günü təşkilatın Azərbaycandan olan milli katibi Akif Mustafayev bildirib.
Görüşdə investisiya layihələri, eləcə də bu ilin fəaliyyət planının yerinə yetirilməsi məsələlərinin müzakirəsi nəzərdə tutulub.
TRACECA 1993-cü ildə Brüsseldə keçirilən konfransda təsis edilib və ilkin olaraq səkkiz dövləti özündə birləşdirib. İndi TRACECA 13 ölkəni birləşdirir və məqsəd Avropa - Qafqaz - Asiya dəhlizi boyunca ticarət və nəqliyyatın təkmillşdirilməsindən ibarətdir.