Azərbaycan, Bakı, 03 sentyabr/ Trend , müxbir E.İsmayılov/2009-cu ilin yanvarında Azərbaycanın Tovuz rayonunda yeni dairəvi asfalt yol istismara veriləcək, - çərşənbə günü "Azəryolservis"ASC-dən deyiblər.
Yeni dairəvi yol Tovuza daxil olmadan Qərb istiqamətində hərəkəti təmin etməyə imkan verəcək.
"Yolun tikintisi 2008-ci ilin noyabrında, körpü və kəsişmə yolların qurulması 2009-cu ilin əvvəlində başa çatacaq", - ASC-dən bildirblər.
"Bu yolda tikinti üzrə işlər bütünlüklə gələn ilin yanvarında başa çatacaq", - "Azəryolservis"dən qeyd ediblər.
Yolun ümumi uzunluğu 10 km-dən çoxdur. Bu yol texniki cəhətdən ikinci dərəcəli olmaqla, iki zolaqdan ibarətdir, - ASC-dən vurğulayıblar.
Yolda bir körpü və üç kəsişmə yol (ikisi artıq tikilib) tikiləcək. Yolun altı kilometri ikiqat asfaltla örtülüb (cəmi üç qat olacaq).
Layihənin ümumi dəyəri 10 mln. manat təşkil edir. Bu məbləğin 80 faizini Dünya Bankı, qalan 20 faizi isə, Azərbaycan tərəfinin hesabına maliyyələşdirilir, - ASC-dən bildiriblər.
