...

Azərbaycan Nəqliyyat Nazirliyi Bakı buxtası üzərində tikiləcək körpünün ilkin dəyərini açıqlayıb

Biznes və iqtisadiyyat xəbərləri Materials 10 Sentyabr 2008 17:18

Trend-i buradan izləyin

Azərbaycan, Bakı, 10 sentyabr / Trend , müxbir A.Bədəlova/ "Bakı buxtası üzərindən tikiləcək və Bayıl və Zığ qəsəbələrini birləşdirəcək yeni körpünün tikintisinin dəyəri $1,4 mlrd. qiymətləndirilir", - Azərbaycan Nəqliyyat Nazirliyinin Nəqliyyat siyasəti və iqtisadiyyat şöbəsinin rəhbəri Sədrəddin Məmmədov çərşənbə günü bildirib.

"Yeni körpü yalnız infrastruktur qismində çıxış etməyəcək, şəhəri də bəzəyəcək. Bayram vaxtlarında körpünün asma hissəsində lazer qurğularının quraşdırılması imkanlarını nəzərdə tutumuşuq", - Məmmədov qeyd edib. Bu obyekt Bakıda ekoloji vəziyyətin yaxşılaşması, həmçinin nəqliyyat problemlərinin aradan qaldırılması baxımından vacib rol oynayır.

"Koreyanın Dong Sang Engineering şirkəti Bakı buxtası üzərindən avtomobil körpüsünün tikintisi layihəsi üzrə işləri davam etdirir. Bu şirkətin sentyabrın sonu - oktyabrın əvvəlinə layihənin təqdimatını keçirəcək", - Nəqliyyat siyasəti və iqtisadiyyat şöbəsinin rəhbəri bildirib.

Körpünün tikintisini 2013-cü ilin sonuna başa çatdırmaq nəzərdə tutulur. Koreya tərəfi layihənin maliyyələşdirilməsini tamamilə öz üzərinə götürməyə hazırdır. Bununla əlaqədar layihənin realizəsi üçün konsorsium yaradılacaq və maliyyə şirkətləri, layihəçilər bu konsorsiumda təmsil olunacaq. Layihəni "building - operating - transfer" sxemi üzrə həyata keçirmək planlaşdırılır - yəni, körpünün hazırlanması, tikintisi və istismarı müəyyən müddət ərzində Koreya şirkəti tərəfindən aparılacaq. İstismar müddəti Koreya şirkətinin sərmayələrinin geri qayıdacağı müddətdən asılıdır. Dong Sang Engineering ödənişli avotmobil körpüsü tikməyi təklif edir ki, bu da ona idarəetmə müddətində layihəyə yatırılan sərmayələri geri qaytarmağa imkan verəcək. Təxminən 15-20 ildən sonra körpü gələcək idarə üçün dövlətə qaytarıla bilər.

Körpünün ödənişli olmasına baxmayaraq, vaxta və yanacağa qənaət hesabına qeydə alınmış ödənişin məbləği cüzi olacaq. Körpüdən keçid kartlar və ya avtomobildə sahibinin hesabından müvafiq məbləği avtomatik şəkildə götürəcək xüsusi qurğunun quraşdırılması vasitəsilə ödənilə bilər.

İlkin hesablamalara əsasən, körpünün dənizin üzərindən keçəcək hissəsinin uzunluğu 12,5 km olacaq.

Xəbər lenti

Xəbər lenti