Azərbaycan, Bakı, 19 sentyabr/ Trend , müxbir Ü.İsmayılova/"Azərbaycanın iri sığorta şirkəti Standard Insurance 2009-cu ildə beynəlxal reytinqdə mövqeyinin bir pillə yaxşılaşacağını gözləyir", - cümə günü şirkətin İdarə Heyətinin sədri Kamal İbrahimov deyib.
"Bununla əlaqədar olaraq, biz Moody's Investors Service beynəlxalq agentliyi ilə danışıqlar aparırıq və yaxın vaxtlarda onların nümayəndələrinin Bakıya səfəri gözlənilir", - İbrahimov bildirib.
Standard Insurance şirkəti Moody's Investors Service-dən hazırda ölkənin özəl sığorta sektorunun ən yüksək reytinqi sayılan, "B1 müsbət pronoz"reytinqini ilk dəfə 2007-ci ildə alıb.
Şirkət rəhbərinin sözlərinə görə, reytinqin yaxşılaşması Standard Insurance-in maliyyə-təsərrüfat fəaliyyətinin beynəlxalq auditdən keçməsinə kömək edəcək. Sığorta şirkətində auditor yoxlamasını PriceWaterHouse Coopers şirkəti aparıb.
İbrahimovun sözlərinə görə, şirkətin planlarına Nizamnamə kapitalının, iki dəfə artırılaraq, 16 mln. manata çatdırılması da daxildir.
Standard Insurance sığorta şirkəti Azərbaycanda 2002-ci ildən fəaliyyət göstərir. Ölkə sığorta şirkətləri arasında ilk dəfə olaraq, o, Moody's Investors Service-dən maliyyə davamlılığı reytinqini alıb.
Sentyabrın 19-na rəsmi məzənnə 0,8133 AZN/USD-dır.
