Azərbaycan, Bakı, 30 oktyabr/ Trend , müxbir Ü.İsmayılova/ Sığorta və təkrar sığorta şirkətlərinin kapitallaşmaya yönəldilən mənfəət vergisindən azad edilməsı onların fəaliyyətində şəffaflığı təmin edəcək. Bu barədə Azərbaycanın "Atesgah" Sığorta Şirkəti İdarə Heyətinin sədri Azər Əliyev bildirib.
"Əgər əvvəllər bəzi sığorta şirkətləri vergi ödəməsini azaltmaq üçün gəlirlərini qismən gizlədirdilərsə, daha buna ehtiyac olmayacaq", - deyə Əliyev bildirib.
Onun sözlərinə görə, indi sığorta şirkətləri gəlirlərinin real səviyyəsi barədə açıq - aydın bəyan edə bilərlər ki, bu da kapitallaşma səviyyəsini əhəmiyyətli dərəcədə artırmağa imkan verəcək, biznes və inkişafın artmasına yardım edəcək.
Çərşənbə axşamı Azərbaycan Parlamenti "Bankların, sığorta və təkrar sığorta şirkətlərinin kapitallarının artırılması və stimullaşdırılması barədə" Qanunu təsdiq edib. Qanuna əsasən, maliyyə bazarının bu iştirakçıları 2009 - cu il yanvarın 1 - dən, mənfəətin kapitalın artırılmasına yönəldilən hissəsi üzrə vergidən azaddırlar.
Qanunun qəbul olunmasında əsas məqsəd maliyyə sahəsinin inkişaf tempinin sürətləndrilməsi, bank və sığorta sektorunda xidmət keyfiyyətinin artırılması və şirkətlərin kapitallaşmasının qaldırılmasının stimullaşdırılmasından ibarədir.
Ölkədə mənfəət vergisi 22 faiz təşkil edir. Azərbaycanda 45 bank, 28 sığorta və bir təkrar sığorta şirkəti fəaliyyət göstərir. Azərbaycan Maliyyə Nazirliyinin məlumatına görə, yanvar - sentyabrda şirkətlər 148,7 mln. manat məbləğində sığorta haqqı toplayıblar, onların sığorta ödəmələri 40,4 mln. manata bərabər olub.
Sığorta şirkətlərində 2009 - cu il yanvarın 1 - dək kapitallaşma səviyyəsi bir milyon manat, təkrar sığorta şirkətlərində iki milyon manat təşkil etməlidir. Banklar üçün Nizamnamə kapitalının minimal səviyyəsi 10 mln. manat səviyyəsində müəyyən olunub.
"Atesgah" sığorta şirkətinin səhmdarları: "I.S.R. Holding Ltd" (49 faiz), SOCAR (30 faiz) və RAN-Eksim şirkətləridir (21 faiz). Yanvıar - sentyabrın yekunu üzrə şirkət 13,97 mln. manat məbləğində sığorta haqqı toplayıb. Şirkətin sığorta ödəmələri i 3,17 mln. manat olub.
Məqalə müəllifi ilə əlaqə ünvanı: [email protected]