Azərbaycan, Bakı, 03 noyabr/ Trend , müxbir İ.Xəlilova/ Amerika "Citibank"ının Azərbaycandakı nümayəndəliyinin törəmə şirkətə çevrilməsi məsələsi hələ də aktualdır, lakin dünya maliyyə böhranı şəraitində bu bank qlobal oyunçulardan biri hesab olunur. Bu barədə Azərbaycan Milli Bankı (AMB) İdarə Heyətinin sədri Rüfət Aslanlı bildirib.
"Bunu zaman göstərəcək, bu məsələ aktual qalacaq, Azərbaycanda bank fəaliyyətinin başlanması üçün dəyişdirilmə prosesinin nə zaman baş verəcəyini dəqiq söyləməksə, mümkün deyil", - deyə Aslanlı bildirib.
Ölkənin maliyyə dairələrindəki mənbələrdən məlum olub ki, "Citibank" artıq Azərbaycan bankında səhmlərin alınması üzrə iş aparır.
Bu gün Azərbaycanda 2008 - ci ilin mayında Türkiyənin "Citibank" səhmdar şirkəti vasitəsilə açılan Amerika "Citibank"ının nümayəndəliyi fəaliyyət göstərir.
"Citibank" ötən ilin noyabrında AMB - ə müraciət edib və Milli Bankın İdarə Heyəti 2008 - ci il fevralın 18 - də bankın Azərbaycanda nümayəndəlik açmasına razılıq verib.
"Citibank" ölkədə geniş planları var və o, nümayəndəliyin filiala çevrilməsi ilə bank əməliyyatları həyata keçirməyə hazırdır.
Bu gün respublikada iki bankın nümayəndəliyi fəaliyyət göstərir - Latviyanın Parex Bank-ı və Almaniyanın Commerz Bank-nın nümayəndəlikləri. Almaniya bankına 2007- ci ilin noyabrında icazə verilib.
Xarici banklar Azərbaycanın maliyyə bazarına daxil olmağa böyük maraq göstərirlər. Fransanın "Societe General", Rusiyanın "VneshtorgBank"ı [o, artıq AMB - ə müraciət edib] yerli banklarda iştirak payının alınmasında maraqlı olduqlarını bildiriblər, Gürcüstanın "TBC Bank"ı isə, "SOA Credit" bank olmayan kredit təşkilatının (indi TBC Credit) səhmlərinin 75 faizinin alınması üzrə saziş bağlayıb.
Hazırda Azərbaycanda fəaliyyət göstərən 46 bankdan 24 - də xarici kapital iştirak edir.
Məqalə müəllifi ilə əlaqə ünvanı: [email protected]