Azərbaycan, Bakı, 03 noyabr/ , müxbir Ü.İsmayılova/ Bakının ilkin daşınmaz əmlak bazarında sentyabrda qiymətlər, avqusta nisbətdə, bir kvadtarmetrə görə 0,6 faiz - 1194 dollaradək bahalaşıb. Bu barədə bazar ertəsi "Əmlak Bazarı İştirakçıları" İctimai Birliyindən məlumat verilib.
Ən fəal qiymət artımı Bakının Sabayel (2,6 faiz), Xətai (1,9 faiz) və Nəsimi (0,7 faiz) rayonlarında müşahidə olunub. Sentybarda yeni tikililərdə təklif olunan mənzillərin orta sahəsi 120,1 kvadrat metr təşkil edib.
Sentyabrda Bakının daşınmaz əmlak bazarına təklif olunan mənzillər:
| Otaqlar | Say | Sahənin orta göstəricisi | Ümumi tikintidə payı faizlə |
| 1 otaqlı | 10523 | 59,9 | 16 |
| 2 otaqlı | 20202 | 92,8 | 31 |
| 3 otaqlı | 26340 | 136,6 | 39 |
| 4 otaqlı | 7791 | 181,7 | 12 |
| 5 otaqlı | 1058 | 235,4 | 2 |
Sentyabrda tikilən binaların sayı 550, istifadəyə verilən binaların sayı - iki, tikinti şirkətlərinin sayı 207 olub. Binaların əksəriyyəti (25 faizi) Bakının Yasamal rayonunda tikilir. Yasamal rayonunda tikilən binalar Bakının ilkin əmlak bazarı portfelinin 25 faizini təşkil edib.
Məqalə müəllifi ilə əlaqə ünvanı: [email protected]