Azərbaycan, Bakı, 19 noyabr / Trend , müxbir N.İsmayılova/ "Azərbaycanın T əşəbbüs və İnvestisiya İxracı Təşviqi Fondu (AZPROMO), dünya maliyyə böhranı ilə bağlı 2008-ci il üçün fəaliyyət strategiyasında düzəlişlər edəcək, - AZPROMO-nun ixracın təşviqi departamentinin direktoru Emil Əliyev deyib.
"Dünyada baş verən hadisələrlə (maliyyə böhranı) bağlı strategiya istiqamətləri dəyişib, amma bütövlükdə strategiya dəyişməz qalır", - deyə Əliyev bildirib.
Onun sözlərinə görə, strategiyanın Azərbaycanda biznesin inkişafı, xüsusən də idxal-ixrac əməliyyatları, şirkətlərin korporasiya və birliklər planında inkişafı, sektorial alyansların və ittifaqların yaradılması kimi əsas istiqamətləri dəyişməz qalıb.
Eyni zamanda dəyişikliklər maliyyə sektoru və xidmət sahəsinə də toxunmayıb. Əliyev bunu böhranın ən az bu sahələrə təsir edəcəyilə bağlayıb.
"İlk növbədə, biz hazırda məhsul istehsalı, bu əsasən kənd təsərrüfatı və sənaye məhsullarıdır - ilə məşğul olan müəssisələrə - bel bağlayırıq", - Əliyev bildirib. "Bu, böhranın neqativ nəticələrini minimuma endirmək üçün edilir. Böhranın sənaye sektorlarına təsir göstərməsi Azərbaycan üçün fəlakət olardı" - deyə o vurğulayıb.
AZPROMO yeni istiqamətlənən siyasəti hazırda sənaye sektorunun detallı öyrənilməsinə yönəlib.
Müəlliflə əlaqə ünvanı: [email protected]
