Azərbaycan, Bakı, 21 noyabr / Trend müxbir E.İsmayılov/ Azərbaycanda Şərq - Qərb avtomobil magistralının təkmilləşdirilməsi layihəsi çərçivəsində, avtomobil yollarının 1,25 mlrd. dollar məbləğində vəsait tələb edən bərpa və genişləndirilmə işlərinin 2015 - ci ilədək yekunlaşacağı gözlənilir, - Mərkəzi Asiya Regional İqtisadi Əməkdaşlıq Proqramının rəsmi hesabatında deyilir.
Layihə yüklərin idxalı, ixracı və nəqli üçün avtomobil dəhlizinin rəqabətədözümlülüyünü, Azərbaycanla Gürcüstan arasında ticarətin və yük nəqlinin həcmini artıracaq.
Dəhlizin uzunluğu 534 km - dir. Layihəni Azərbaycan Nəqliyyat Nazirliyinin "Azəryolservis" ASC realizə edir. Yolun ödənişli olacağı da ehtimal olunur, - hesabatda deyilir.
Şərq- Qərb dəhlizi ətrafında avtomobil yollarının prioritet məntəqələrinin təkmilləşdirilməsinə 700 mln. dollar ayrılması planlaşdırılıb. Bu vəsaitin 207 mln. dollarının ödənməsi (layihə vəsaitlərindən 52 mln. dollar Şərq- Qərb avtomobil magistralının təkmilləşdirilməsinə, avtomobil yolları şəbəkəsinin inkişafı üzrə mutlitranş maliyyələşməsi vəsaitindən 55 mln. dollar - 2008 - ci, 100 mln. dollar - 2009 - cu il üçün nəzərdə tutulub) Asiya İnkişaf Bankının öhdəsinə düşür.
İslam İnkişaf Bankının öhdəsinə yeddi mln. dollar düşür, Ümumdünya Bankı isə, 2009 - cu ildə 500 mln. dollar ayıracaq, - hesabatda deyilir.
Müəlliflə əlaqə ünvanı: capital
