Azərbaycan, Bakı, 15 dekabr/ Trend , müxbir Ü.İsmayılova/ "Azərbaycan Dövlət Sosial Müdafiə Fondunun (DSMF) icbari sosial sığorta ayırmaları üzrə ən problemli və böyük borcluları Azərkimya və Azneftkimyamaş Dövlət Səhmdar Cəmiyyətləridir", - Fondun rəhbəri Səlim Müslümov bazar ertəsi mətbuat konfransında bildirib.
Azərkimyanın borcu ilin əvvəlindəki 12,3 mln. manata qarşı 13,7 mln. manat təşkil edib, Azneftkimyamaşın borcu isə 10,905 mln. manatdan 12,2 mln.manatadək artıb.
"Bunlar problemlərin müşahidə olunduğu yeganə böyük icbari sosial sığorta ödəyiciləridir", - Müslümov deyib.
Onuns özlərinə görə, SOCAR-ın borcu (Dövlət Neft Şirkəti) ilin əvvəlindəki 1,73 mln. manatdan 1,5 mln. manatadək, Azərenerji SC-nin - 8,82 mln. manatdan 7,64 mln. manatadək, Xəzər Dəniz Gəmiçiliyinin - 1,72 mln. manatdan 1,55 mln. manatadək, Azərbaycan Hava Yolları QSC - 13,8 mln. manatdan 11,8 mln. manatadək, Rabitə və İnformasiya Texnologiyaları Nazirliyi - 1,83 mln. manatdan 698 mln. manatadək azalıb.
"İcbari sosial sığorta ayırmalarının ödənilməsi üzrə bu böyük ödəyicilərlə problemlər yoxdur və bütün borclar gələn ayın 15-dək ödəniləcək", - Müslümov vurğulayıb.
Azərbaycanda icbari sosial sığorta üzrə ayırmaların ölçüsü 22 faiz təşkil edir (işəgötürənlər üçün əmək fondundan 22 faiz və işçilərin əmək haqqından 3 faiz).
Dekabrın 15-nə olan cari mübadilə məzənnəsi -- 0,805 AZN/USD.
Müəlliflə əlaqə saxlamaq üçün elektron ünvan: [email protected]