Azərbaycan, Şəki, 26 dekabr/ Trend , müxbir X.Əliyeva/ İsmayıllı - Qaraməryəm magistral yolunun 107 km - də, Oğuz rayonunun Kərimli kəndi ərazisində Saxulçay çayı üzərində körpü cümə günü istifadəyə verilib.
1963 - cü ildə inşa edilmiş körpünün bir hissəsi noyabrın 13 - də, axşam saatlarında iki yüksəktonnajlı maşının eyni vaxtda onun üzərindən keçməsi nəticəsində uçmuşdu.
Oguzun 61 saylı Yol İstismar İdarəsinin rəisi Firudin Baxışovun sözlərinə görə, qəzadan iki gün sonra "Azəravtoyolservis" ASC-nin sifarişi ilə başlanmış bərpa işlərini "Azərkörpü" MMC dünən başa çatdırıb və bu gün körpü istifadəyə verilib.
Məqalə müəllifi ilə əlaqə ünvanı - [email protected]