Azərbaycan, Bakı, 03 fevral / Trend , müxbir N.İsmayılova/ Dünya maliyyə böhranı şəraitində Azərbaycan və Belarusun Milli Banklarının bir-biri ilə koordinasiyası və onlar arasında məlumat mübadiləsi hər iki tərəf üçün faydalı olacaq, - Belarusun Azərbaycandakı səfiri Nikolay Patskeviç çərşənbə axşamı bildirib.
"Azərbaycan bankları məlumat mübadiləsinin başlanması üçün təşəbbüskar olublar və bizim bankirlər də bu fikri dəstəkləyirlər", - Patskeviç qeyd edib.
Onun sözlərinə görə, noyabrda belaruslu bankirlər Bakıda olublar və öz azərbaycanlı tərəfdaşları ilə maliyyə böhranı şəraitində fəaliyyəti müzakirə ediblər.
Diplomat banklar arasında koordinasiyanı sığorta və ödəmələrə zəmanət verilməsi üzrə birgə sazişlərin imzalanması ilə izah edib.
"Bu əməkdaşlıqda heç bir problemlə qarşılaşmasaq da, bu iş aktivləşmə tələb edir, - Patskeviç bildirib. - Buna görə də banklar səviyyəsində görüşlər bundan sonra da keçiriləcək".
"Bank institutları öz fəaliyyətlərini uzlaşdırarlarsa və kredit dəstəyi göstərmək, özlərini doğrultmuş etibarlı şirkətlərə ödənişlərdə zəmanət vermək barədə razılığa gələrlərsə, bu, ticarət prosesinin artımını sürətləndirəcək", - Belarusun Azərbaycandakı səfiri deyib.
Müəlliflə əlaqə saxlamaq üçün elektron ünvan: [email protected]