Azərbaycan, Bakı, 11 fevral / Trend / "2009-cu ilin yanvar ayı ərzində Azərbaycan ticarət şəbəkələri tərəfindən əhaliyə 939,5 milyon manatlıq istehlak məhsulu satılıb ki, bu da ötən ilin analoji dövr göstəricisindən 10,3 faiz çoxdur", - Azərbaycan Dövlət Statistika Komitəsi xəbər verib.
Ümumi məbləğdən 620,9 milyon manatı ərzaq məhsulları, 318,6 milyon manatı isə qeyri-ərzaq məhsulları təşkil edib. 2008-ci ilin yanvar ayına nəzərən hər iki növ məhsullar üzrə satış artımı müvafiq olaraq 10,4 və 11,2 faiz təşkil edib.
Yanvarda əhaliyə 310,1 milyon manatlıq və ya 20,1 faiz çox pullu xidmət göstərilib. Göstərilmiş xidmətlərin 81,4 faizi hüquqi şəxslərin, 18,6 faizi fiziki şəxslərin payına düşüb ki, artım müvafiq olaraq 24,4 və 4,3 faiz təşkil edib.
Ümumi satış dövriyyəsinin 15,4 faizi hüquqi şəxslər, 43,8 faizi isə fiziki şəxslər tərəfindən, təşkil edilmiş bazar və yarmarkalar çərçivəsində həyata keçirilib, yalnız 40,8 faiz özəl sahibkarların payına düşüb.
