Azərbaycan, Bakı, 17 mart / Trend , müxbir S.Babayeva /
Azərbaycanda fevral ayı ərzində kənd təsərrüfatı məhsullarının istehsal qiymətləri əvvəlki ayla müqayisədə 0,7 faiz azalıb. Bu barədə Dövlət Statistika Komitəsindən bildirilib.
Yanvar-fevral ayları ərzində artım 2008-ci ilin analoji dövrü ilə müqayisədə 11 faiz gözlənilirdi.
Fevralda bitkiçilik və bostançılıq məhsulları üzrə yanvar ayı ilə müqayisədə 0,2 faiz bahalaşma qeyd olunub. Meyvə və fındıq məhsullarında 0,5 faiz, xüsusi bağçılıq məhsullarında 0,6 faiz ucuzlaşma qeyd olunub. Dənli bitkilərdə isə əksinə, 0,8 faiz artım qeyd olunub.
Heyvandarlıq məhsullarında ötən ay yanvar göstəriciləri ilə müqayisədə 2,3 faiz azalma gözlənilirdi. İribuynuzlu heyvanların qiymətində 2,65 faiz, kiçik buynuzlu heyvanlarda isə əksinə, 1,4 faiz artım müşahidə olunub.
Meşə təsərrüfatı və balıqçılıq məhsullarının qiyməti dəyişilməz qalıb.
Məqalə müəllifi ilə əlaqə ünvanı: [email protected]