Azərbaycan, Bakı, 04 aprel / Trend /
Gürcüstan hökuməti may ayından etibarən Bakı-Tbilisi-Qars dəmiryolu ərazisindəki torpaqların alınmasına başlayacaq.
Torpaq Sahiblərinin Hüquqlarının Müdafiəsi Assosiasiyasının məlumatına əsasən, prosesə bu təşkilatın əməkdaşları tərəfindən nəzarət olunacaq.
Torpaq, onun münbitliyi tədqiq ediləcək, bunun nəticəsində isə təzminatın məbləği müəyyən ediləcək.
"Ayın sonuna kimi metodologiya hazırlanacaq və bunun da əsasında torpaqlara qiymət təyin ediləcək. Sakinlər bununla tanış olduqdan sonra müqavilələr imzalnacaq", - Assosiasiyadan bildirilib.
Marşrutun Gürcüstan hissəsi 2010-cu ilin sonuna kimi tikiləcək. Azərbaycan dəmiryolunun tikintisi üçün Gürcüstana 200 milyon dollar kredit ayırıb.