Azərbaycan, Bakı, 20 aprel / Trend , müxbir Ü.İsmayılova /
Azərbaycanın Daşınmaz Əmlakın Dövlət Reyestri Xidmətində yanvar-martda ipoteka kreditləşməsi üzrə təqribən üç min müqavilənin qeydiyyatı aparılıb. Bu barədə Dövlət Xidmətinin bazar ertəsi yayılan məlumatında bildirilir.
Azərbaycanda 2008-ci ilin payızından bir çox banklar bank, o cümlədən ipoteka kreditləşmələrini azaldıblar. Azərbaycan İpoteka Fondu 2007-ci ilin yayında vəsait çatışmazlığından yeni ipoteka kreditlərinin maliyyələşdirilməsini dayandırıb.
Bu dövr ərzində daşınmaz əmlak obyektləri üzrə qeydiyyata alınan yüklülük (icarə, istifadə) hüquqlarının ümumu sayı 194 olub. Eyni zamanda, məhdudlaşmaya (yüklülüyə) dair rüb ərzində dövlət reyestrindən 14,11 arayış verilib.
Cari ilin birinci rübündə Azərbaycanın Daşınmaz Əmlakın Dövlət Reyestri Xidməti əhaliyə xidmətlə bağlı müxtəlif məzmunlu 11289 arayış verib, həmçinin xidmətin ərazi idarələri tərəfindən 12,3 min daşınmaz əmlak obyektinə dair müayinə aktı tərtib edilib.
Məqalə müəllifi ilə əlaqə ünvanı: [email protected]