Azərbaycan, Bakı, 27 aprel / Trend , müxbir İ.Xəlilova /
Dünya Bankı (DB) Azərbaycan hökuməti ilə ümumi dəyəri 673,8 mln. dollar olan Azərbaycanın ticarət və dəmiryol ilə tranzitə yardım layihəsi üzrə kredit sazişinə dəyişikliklərin edilməsi barədə razılığa gəlib. Bu barədə bazar ertəsi DB-nin Bakıdakı nümayəndəliyindən bildiriblər.
"Dünya kapital bazarlarında vəziyyətin dəyişməsi, həmçinin sazişin imzalanması ilə bağlı (DB 450 mln. dollar həcmində krediti hələ ötən il təsdiq edib) gecikmələr fonunda onun əlavə olaraq nəzərdən keçirilməsinə ehtiyac yaranıb", - deyə nümayəndəlikdən bildiriblər.
Hökumətdən bildiriblər ki, xüsusilə, Azərbaycan Dövlət Dəmiryolu İdarəsində (ADDİ) islahatların aparılma müddətinin dəqiqləşdirilməsi planlaşdırılır, yəni onun əvvəlcə səhmdar cəmiyyətə, daha sonra isə holdinq şirkətinə çevirilməsi. Sazişdə 2009-cu ilin sonunadək onun statusunun SC-yə çevrilməsinin başa çatdırılması, 2010-cu ildə isə holdinq şirkətinə çevrilməsi nəzərdə tutulmuşdu. Bu tarixlərin bir il uzadılacağı və dəqiqləşdirilərək kredit sazişinə daxil ediləcəyi gözlənilir.
Bununla yanaşı, DB Beynəlxalq Yenidənqurma və İnkişaf Bankının (BYİB) şərtləri ilə verilən kredit faizlərinin dəyişdirilməsini təklif edib. Dünya bazarlarında borclanma şərtlərinin mürəkkəbləşməsi ilə əlaqədar olaraq vəsaitləri maliyyə bazarlarından cəlb edəcək DB BYİB-in fiksajlanmış libor-0,05 faiz dərəcəyisini libor+1,15 faizinədək artırmaq məcburiyyətində qalıb. Bu gün libor dərəcəsi iki faizədəkdir, yəni fiksajlanmış dərəcəyə baxmayaraq, BYİB xətti ilə verilən kreditlər cəlbedici olaraq qalır.
Krelit sazişi, bu dəyişikliklər əsasında razılaşdırıldıqdan sonra ola bilsin ki, hətta ümumi dəyəri 1,2 mlrd. manat olan Azərbaycanın dəmiryol infranstrukturunun təkmilləşdirilməsi üzrə beşillik Dövlət Proqramının təsdiqinədək imzalanmaya təqdim olunacaq. Çünki DB layihəsi üzrə tədbirlər əməli olaraq dövlət proqramının böyük hissəsini təşkil edir, yəni yalnız onun təsdiqindən sonra DB-nin kredit sazişi layihəsi qüvvəyə minə bilər.
Kredit resursları dördillik güzəştli dövr ilə 17 il müddətinə BYİB xətti ilə təqdim olunub. Qalan hissəsi Azərbaycan hökumətinin payı hesabına təmin ediləcək.
Layihə üç komponentdən ibarətdir. Birinci komponent üzrə dəmiryol təsərrüfatının, yəni Bakıdan Gürcüstan sərhədinədək olan dəmiryol məntəqəsinin reabilitasiyası, 3,3 kV-lıq daimi cərəyandan 25 kV dəyişən cərəyana keçid, elektrik təchizatı sisteminə keçidlə əlaqədar olaraq siqnal sisteminin əvəzlənməsi nəzərdə tutulur.
İkinci komponent çərçivəsində 50 lokomotivin alınması, Dəmiryol İdarəsi fəaliyyətinin müasirləşdirilməsi və bazar iqtisadiyyatı tələblərinə yaxınlaşdırılması nəzərdə tutulur. Hazırda hökumətdə onun səhmdar cəmiyyətə çevrilməsi məsələsi nəzərdən keçirilir. Layihə dörd il müddətinə nəzərdə tutulub.
Borca verilən vəsaitlər (235 mln. dollar) qismən dövlət büdcəsi vəsaitləri hesabına, 215 mln. dollar isə Azərbaycan Dövlət Dəmiryol İdarəsinin şəxsi vəsaitləri hesabına ödənəcək.
Məqalə müəllifi ilə əlaqə ünvanı: [email protected]
