Türkmənistan, Aşqabad, 01 may / Trend , müxbir Q.Həsənov /
Düz bir il əvvəl valyuta məzənnəsinin unifikasiya edilməsi türkmən manatının mövqeyini əhəmiyyətli dərəcədə möhkəmləndirməyə, onun alıcılıq qabiliyyətini, bazarda fəallığını artırmağa, bank xidmətləri və maliyyə-təsərrüfat əməliyyatlarının təkmilləşdirilməsi üçün imkan yaradıb. Bu barədə cümə günü "Türkmən Dövlət Xəbərləri" (TDX) Dövlət Xəbər Xidməti şərh verib.
2008-ci il 1 m ay tarixində Türkmənistanda xarici valyutaya münasibətdə rəsmi vahid manat məzənnəsi tətbiq edilib.
Bu addım, TDX-nin yazdığına görə, Prezident Qurbanqulı Berdiməhəmmədov tərəfindən təşəbbüs göstərilən və bazar iqtisadiyyatının optimal modelinin formalaşdırılması, Türkmənistanın dünya təsərrüfat əlaqələri sisteminə fəal inteqrasiyasına yönəldilən maliyyə-iqtisadi islahatların reallaşdırılmasında yeni mühüm mərhələnin başlandığını özündə ifadə edib.
Məlum olduğun kimi, ölkənin Mərkəzi Bankı tərəfindən müəyyən olunmuş manatın xarici valyutaya münasibətdə rəsmi vahid məzənnəsi 14 min 250 manat, cari ilin yarvar ayının 1-dən isə milli valyutanın denominasiyası ilə əladər olaraq 1 ABŞ dolları üçün 2,85 manat təşkil edib. Unifikasiya məqamından və həmin gün xarici valyutaya münasibətdə manatın müəyyən olunmuş məzənnəsi sabit qalır və kəskin dəyişməyə məruz qalmır.
Türkmənistan Prezidentinin verdiyi qərar ölkənin maliyyə-iqtisadi sisteminin möhkəmləndirilməsi və milli valyutanın sabit məzənnəsinin təmin edilməsi yolunda atılan mühüm addım olub. Qərara əsasən, Banklararası Valyuta Birjası və Birja Ticarəti Qaydaları haqqında Nizamnamə təsdiq olundu. Müəyyən olunmuş məzənnəyə ilə xarici valyutaların reallaşdrılması üsulu müəyyən edilib və bu formada həyata keçirilir: mülkiyyət formasından asılı olmayaraq bütün hüquqi və fiziki şəxslər - nağd olmayan qaydada - valyuta birjasında, nağd formada isə mübadilə məntəqələri şəbəkəsi vasitəsilə.
Mütəxəssislər qeyd edirlər ki, unifikasiya dövlət büdcəsinə və bank sektorunun inkişafına müsbət təsir göstərib və ölkədə makroiqtisadi vəziyyətin stabilliyinə yardım edib.
Məqalə müəllifi ilə əlaqə ünvanı: [email protected]