Azərbaycan, Bakı, 04 may / Trend , müxbir Ü.İsmayılova /
Mart ayında Bakının ilkin bazarında mənzilin bir kvadrat metrinin qiyməti 6,7 faiz azalaraq 1006 dollara çatıb. Bu göstərici fevralda 1078 dollar təşkil edib. Bu barədə bazar ertəsi "Əmlak bazarı iştirakçıları" İctimai Birliyindən məlumat verilib.
Bakının ilkin mənzil bazarında 550 binanın tikintisi davam etdirilib, fəal tikinti şirkətlərinin sayı isə 202 ədəd təşkil edib. Binaların əksəriyyəti (24,1 faizi) Bakının Yasamal rayonunda tikilir, bu göstəriciyə görə ikinci yerdə Nəsimi rayonu (20,4 faiz), üçüncü yerdə Xətai rayonu (19,3 faiz) qərarlaşıb. Bu tikililər birlikdə bazarın ümumi portfelinin 63,4 faizini təşkil edir.
Martda yeni tikililərdə mənzil sahələrinin orta göstəricisi 121,2, girişlərin orta göstəricisi 2,3, mərtəbələr isə 15,1 kvadrat metr təşkil edib.
Yeni tikililərin otaq göstəricisini göstərən ümumi cədvəl:
|
Mənzillər |
Mənzillərin sayı |
Orta sahə göstəricisi |
Tikintidə pay (faizlə) |
|
Birotaqlı |
10543 |
60,7 |
17 |
|
İkiotaqlı |
19176 |
92,1 |
30,4 |
|
Üçotaqlı |
24763 |
131,8 |
39,2 |
|
Dördotaqlı |
7541 |
182,9 |
11,8 |
|
Beşotaqlı |
1026 |
238,3 |
1,6 |
|
Cəmi |
63049 |
121,2 |
100 |