...

Yunanıstanda Qara dəniz regionunun inkişaf perspektivləri müzakirə olunacaq

Biznes və iqtisadiyyat xəbərləri Materials 13 May 2009 18:09

Trend-i buradan izləyin

Azərbaycan, Bakı, 13 may / Trend , müxbir A.Bədəlova /

İyunun 14-də Salonikidə (Yunanıstan) Qara dəniz Ticarət və İnkişaf Bankı (QDTİB) Qara dəniz regionunun hazırkı iqtisadi vəziyyəti və ortamüddətli perspektivlərə həsr edilmiş yüksək səviyyəli regional iqtisadi forum təşkil edəcək. Bu barədə bankın rəsmi saytında yerləşdirilən məlumatda deyilir.

Forum bankın regiondakı fəaliyyətinin 10 illik yubileyinə həsr ediləcək.

Foruma məruzəçilər qismində QDTİB-ə üzv olan 11 ölkənin iqtisadiyyat və maliyyə nazirləri, eləcə də regionda fəaliyyət göstərən iri maliyyə infrastrukturlarının yüksək vəzifəli şəxsləri, Qara dəniz regionunda maraqları olan beynəlxalq bankların nümayəndələri və biznes-liderlər dəvət edilib.    

Forum " Macedonia Palace" yunan otelində keçiriləcək.

Bu günə olan göstəricilərə əsasən, hərəsi 16,5% pay sahibi olmaqla Yunanıstan, Rusiya və Türkiyə bankın ən iri səhmdarlarıdır. Rumıniya 14%, Bolqarıstan və Ukrayna hərəyə 13,5%, Azərbaycan 5%, Albaniya 2%, Ermənistan və Moldova hərəyə 1% və Gürcüstan 0,5% paya sahibdirlər.

Azərbaycan tərəfindən banka rəhbərlik edən iqtisadi inkişaf naziri Şahin Mustafayevdir, onun müavini maliyyə naziri Samir Şərifovdur.

Qara dəniz Ticarət və İnkişaf Bankı 1999-cu il iyunun 1-dən fəaliyyət göstərir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti