Azərbaycan, Bakı, 10 iyun / Trend , müxbir N.İsmayılova /
Azərbaycanda 2005-ci ildən etibarən hökumət tərəfindən həyata keçirilən milli ödəmə sisteminin inkişafı üzrə proqramın sayəsində bankomatların və POS-terminalların sayı artır.
POS-terminalların istifadəsi pul dövriyyəsinin qaydaya salınmasına imkan yaradır və həmçinin vergilərdən yayınmanın qarşısını alır, belə ki, bir çox ticarət obyektləri və xidmət sferaları onları quraşdırmaq istəmir. Bu səbəbdən Azərbaycan Vergilər Nazirliyi bu problemin aradan qaldırılmasını zəruri hesab edir və inzibati tədbirlərə əl atır, POS-terminalların quraşdırılmadığı halda nəzarət-kassa aparatlarının qeydiyyatını aparmır.
Mərkəzi Bankın məlumatlarına görə, ötən ilin 1364 bankomatına nisbətdə mayın 1-nə Azərbaycanda 1572 bankomat qeydə alınıb. Mayın 1-dək Bakıda 882, ölkənin şəhər və rayonlarında isə 690 bankomat quraşdırılıb.
Hesabat dövründə POS-terminalların sayı 8440 ədəd təşkil edib ki, bu da ötən ilin hesabat dövrünün göstəricisindən 1912 ədəd artıqdır.
Məqalə müəllifi ilə əlaqə ünvanı: [email protected]