Azərbaycan, Bakı, 19 iyun / Trend , müxbir Ü.İsmayılova /
Azərbaycan Mərkəzi Bankı (AMB) yanında fəaliyyət göstərən Azərbaycan İpoteka Fondunun (AİF) səlahiyyət verdiyi Azərbaycan bankları 10 milyon manat dəyərində olan ipoteka kreditlərini almaq üçün ərizələri əldə ediblər, cümə günü fonddan bildirilib.
"Ərizələrin qəbulundan az vaxt keçməsinə baxmayaraq, səlahiyyətli banklar artıq ipoteka kreditlərinin verilməsinə başlayıb", - fonddan bildiriblər.
Ümumilikdə ipoteka kreditlərinin verilməsi mərhələli prosesdir və borc alanın ödəmə qabiliyyəti və ipotekanın predmeti, kreditin analizi, rəsmiləşdirmə üçün müvafiq sənədlərin yığılması (alqı-satqı, ipoteka və sığorta üzrə müqavilənin bağlanması) amillərindən asılıdır. Ən yaxşı halda bu proses bir aya qədər vaxt tələb edir.
Azərbaycan İpoteka Fondu vəsait çatışmazlığı səbəbindən ipoteka kreditlərinin verilməsini 2007-ci ilin yayından dayandırıb və bu prosesi yenidən 2009-cu ildə bərpa edib.
İyunun 18-dən etibarən Azərbaycanda AİF-in 15 milyon manat dəyərində və emissiyaların ümumi 55 milyon manat həcmində, illik 3 faiz qoyuluşu olan faizli adlı istiqrazların ilkin yerləşdirilməsinə başlanılıb.
İstiqrazların ödənilmə müddəti 2016-cı il mayın 10-na müəyyən edilib. İstiqrazların ilkin yerləşdirilməsinin əsas təşkilatçısı qismində Azərbaycan Mərkəzi Bankı çıxış edir.
İpoteka Fondunun istiqrazlarının emissiyasının prospekti Qiymətli Kağızlar üzrə Dövlət Komitəsi tərəfindən 2009-cu il mayın 29-da qeydiyyatdan keçib.
İyunun 19-na rəsmi məzənnə 0,804 AZN/USD təşkil edir.
Məqalə müəllifi əlaqə ünvanı: [email protected]
