Azərbaycan, Bakı, 29 iyun / Trend , müxbir U.İsmayılova /
May ayında Bakının avtomibil bazarında aprel ayına nisbətdə 1,5 faizlik təklif artımı müşahidə edilib. Bu barədə bazar ertəsi "Əmlak bazarı iştirakçıları" ictimai təşkilatının bazar ertəsinə olan məlumatında deyilir.
"Təkliflərin artımına baxmayaraq, bazarda tələbat 3,4 faiz azalıb. Bu da avtomobil bazarı üçün qeyri-mövsümi dövr ilə əlaqədardır ", - bu barədə təşkilatdan bildirilib.
May ayında bazarda avtomobillərin orta qiyməti 16,24 min dollar təşkil edib. Mövcud vəziyyət avtomobillərin ekspozisiya müddətinə bir gün təsir edərək bu müddəti 90 günə çatdırıb. Bu isə risklərin çoxalmasına və likvidliyin aşağı düşməsinə səbəb olub.
Ötən ayda bazara 6,3 mindən çox avtomobil təklif edilib, onların da 35 faizi may ayında təklif olunub. Qalan 65 faizi isə ötən aylardan bazarda qalıb.
Təşkilatın monitorinqinin yekunlarına əsasən, bazar portfelinin 80 faizini doqquz aparıcı dünya markalı avtomobillər (36,1 faiz Mercedes-Benz avtomobillərinə məxsusdur) təşkil edir. Portfelin 19,9 faizi digər 85 marka üzrə avtomobillərin hesabına formalaşıb.
Məqalə müəllifi ilə əlaqə ünvanı: [email protected]