Azərbaycan, Bakı, 05 avqust / Trend , müxbir N.ismayılova /
İlin əvvəlindən dövlət mülkiyyətində olan 490 qeyri-yaşayış obyektləri və torpaq sahələri hüquqi və fiziki şəxslərə icarəyə verilib, bu barədə Əmlak Məsələləri üzrə Dövlət Komitəsinin məlumatında deyilir.
Hesabat dövrü ərzində dövlət büdcəsinə məskunlaşmamış ərazi, özəlləşmiş müəssisə və obyektlərin yerləşdiyi torpaq sahələrinin icarəyə verilməsindən təxminən üç milyon manat məbləğində vəsait daxil olub. Bununla da büdcəyə icarə verilmədən əldə olunan gəlirlər üzrə proqnoz 110 faiz səviyyəsində yerinə yetirilib.
Təxminən 560 icarədara icarə haqqının ödənilməsi üzrə borcun olması barədə xəbərdarlıq məktubu göndərilib.
Cari ilin yanvar-iyul ayları ərzində avtomatlaşdırılmış ödəmə sistemi vasitəsilə dövlət mülkiyyətinin icarəsinə görə fiziki və hüquqi şəxslər təxminən 5000 ödəmə həyata keçirib.
Avqustun 5-nə olan rəsmi məzənnə 0,8042 AZN/USD təşkil edir.
Məqalə müəllifi ilə əlaqə ünvanı:[email protected]
