Azərbaycan, Bakı, 11 avqust / Trend /
Çərşənbə axşamı Bakıda Azərbaycan Nəqliyyat Nazirliyində iqtisadiyyat, elmi-texniki və mədəniyyət məsələləri üzrə Azərbaycan-Latviya hökumətlərarası komissiyanın üçüncü iclası keçirilib. Bu barədə Nəqliyyat Nazirliyinin çərşənbə axşamı yayılmış məlumatında deyilir. Komissiyanın birinci iclası 2007-ci ilin mart ayında Bakıda keçirilmişdi.
İclas iqtisadiyyat, kənd təsərrüfatı, ekologiya, metrologiya və standartlaşdırma, tranzit və nəqliyyat, təhsil, idman, kommunikasiya və informasiya texnologiyaları, səhiyyə və bank sahələrində ümumi sazişin imzalanması ilə başa çatıb.
Prezident İlham Əliyevin iyul ayındakı sərəncamına əsasən Azərbaycan tərəfindən komissiyanın həmsədri nəqliyyat naziri Ziya Məmmədov təyin edilmişdi.
