Azərbaycan, Bakı, 13 avqust / Trend , müxbir N. İsmayılova /
2008-ci ildə Azərbaycanın milli lotereya operatoru - Azərlotoreya ümumi məbləği 28,002 milyon manat olan lotereya biletləri satıb, uduş fondu 16,5 milyon manat təşkil edib. Bu barədə 2008-ci ildə M&J Accuracy Consulting şirkətinin maliyyə göstəricilərinin auditor yoxlamasının yekunlarına dair operatorun məlumatında deyilib.
Ötən il Azərlotereya-nın gəlirləri 28,02 milyon manat olub. Bundan 28 milyon manat lotereya biletlərinin satışı hesabına təmin olunub. Keçən ilin yekunlarına görə, lotereya operatorunun balans gəliri 1,68 milyon manat olub. Bundan 370,7 min manat gəlir vergisi kimi büdcəyə ödənlib.
2008-ci ildə Azərlotereya büdcəyə və büdcədənkənar fondlara 3,61 milyon manat ödəyib. Bundan 3,2 milyon manatı ƏDV olub.
Operatorun aktivləri hesabat tarixinə 5,61 milyon manat təşkil edib. Bunun 3,4 milyon manatını debitor borclar təşkil edir.
Azərlotereya-nın nizamnamə kapitalı 20 min manata bərabərdir.
Avqustun 13-nə olan cari məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]