Azərbaycan, Bakı, 16 sentyabr / Trend , müxbir N.İsmayılova /
Azərbaycan bankı Turan Bankın kredit portfeli sentyabrın 1-nə ötən ilin analoji dövrü ilə müqayisədə 2,7 faiz artaraq 65,4 milyon manat təşkil edib. Bu barədə bankın məlumatında deyilir.
Bankın məcmu gəlirləri il ərzində 26,2 faiz artaraq 8,7 milyon manat təşkil edib. Bankın aktivləri sentyabrın 1-nə 83,9 milyon manat təşkil edib.
Bankın məcmu kapitalı il ərzində 15,6 faiz artaraq 20,1 milyon manat, nizamnamə kapitalı isə 17 milyon manat (13,3 faiz artımla ) təşkil edib. Bankın balans mədaxili hesabat dövründə 23,6 faiz artaraq iyulun 1-nə 2,1 milyon manat təşkil edib. Bankın kapitalı 25 səhmdarın vəsaiti hesabına formalaşdırılıb. Səhmdarlardan beşi hüquqi (21,8 faiz), 20-si isə fiziki şəxsdir (78,2 faiz).
Hazırda Turan Bank ölkədə 11 filial və 23 valyuta dəyişmə məntəqəsinə malikdir.
Sentyabrın 16-na olan rəsmi məzənnə 0,8033 AZN/USD təşkil edir.
Məqalə müəllifi ilə əlaqə ünvanı: [email protected]
