Azərbaycan, Bakı, 28 sentyabr / Trend , müxbir N.İsmayılova/
Azərbaycan bankı Turan Bank 2009-cu ilin maliyyə yekunları üzrə audit fəaliyyətinin keçirilməsi üçün PriceWaterHouseCoopers beynəlxalq auditor şirkətini seçib. Bu abrədə bazar ertəsi bankdan yayılan məlumatda deyilir.
Məlumata görə, qədul edilən strategiyaya uyğun olaraq bank maliyyə göstəricilərinin şəffaf və normativ tələblərə uyğun olmasına xüsusi diqqət yetirir.
2002-ci ildən bank Deloitte & Touche və PriceWaterHouseCoopers kimi beynəlxalq auditor şirkətlərini əməkdaşlığa cəlb edir.
"Gələcəkdə bank əməliyyatları həcminin artmasını nəzərə alaraq, ilin yekununa görə audit hesabatlarının aparılması planlaşdırılır", - bankın məlumatında deyilir.
Avqustun 31-nə olan məlumata görə, bankın məcmu kapitalı 20,1 milyon manat, nizamnamə kapitalı isə 17 milyon manat təşkil edir. Bankın kapital strukturu beş hüquqi (21,8 faiz) və 20 fiziki şəxs (78,2) olmaqla 25 səhmdardan təşkil edilib.
Sentyabrın 28-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]