Azərbaycan, Bakı, 03 oktyabr / Trend , müxbir Ü.İsmayılova/
Avqustda Bakının təkrar mənzil bazarında qiymətlər 4,7 faiz azalaraq bir kvadratmetrə görə 1,282 min dollar olub. İyulda bu göstərici 1,345 min dollar olub. Bu barədə "Əmlak bazarı iştirakçıları" İctimai Birliyindən şənbə günü verilən məlumatda deyilir.
Avqustda təkrar mənzil bazarında mənzillərin orta qiyməti 111,14 min dollar (iyul ayı ilə müqayisədə 7,7 faiz az), otaqların orta qiyməti 48,35 min dollar (1,1 faiz çox) təşkil edib. Avqustda orta otaq göstəricisi 2,3 olub (8,7 faiz az).
Bazarda təklif edilən orta qiymətdən aşağı olan mənzillər 56 faiz təşkil edib. İyulda bu göstərici 59,7 faiz olub. Orta qiymətlərin əhəmiyyətli dərəcədə artımı Səbail rayonunda (10 faiz) müşahidə edilib.
Avqustda təkrar mənzil bazarında yeni tikililərin payı 50,1 faiz təşkil edib. Leninqrad layihəli - 17,2 faiz, "stalinka" layihəli - 7,9 faiz, eksperimental layihəli - 7,6 faiz, "xruşovka" layihəli - 5,9 faiz, arxitektur layihəli - 2,3 faiz, kiyev layihəli 3,7 faiz, alman layihəli - 1 faiz, fransız layihəli - 1,9 faiz, Minsk layihəli - 11,9 faiz, italyan layihəli mənzillərin payı isə 0,4 faiz olub.
Təkrar bazar porfelinin əsas hissəsini Yasamal (23,4 faiz), Nərimanov (16,1 faiz) və Xətai rayonlarındakı (19 faiz) mənzillər təşkil edib. Bu mənzillər təkrar bazar portfelinin 72,9 faizini təşkil edib.
Alış-satış üzrə bağlanan sözdələşmələrin dinamikasında da 1,4 faizlik azalma müşahidə edilib. Bazarda təkliflər 15 faiz azalıb. Əmlakın ekspozisiya müddəti 3 gün artaraq 108 günə çatıb. Avqustda obyektlərin gəlir əmsalı 5,3 faiz artıb.
Məqalə müəllifi ilə əlaqə ünvanı: [email protected]