Azərbaycan, Bakı, 05 oktyabr / Trend , müxbir N.İsmayılova/
Qlobal iqitisadi böhran Orta Asiya və Qafqaz ölkələrinə də təsirsiz ötüşməyib. Bunun nəticəsində də bu ölkələr qrupu üçün iqtisadiyyatın artımı proqnozu ötən il 6,5 faiz, bu il isə 1,5 faiz azalıb. Bu barədə BVF-in (Beynəlxalq Valyuta Fondu) və DB-nin (Dünya Bankı) İstanbulda keçirilən illik iclasının yekununa görə, BVF-in Orta Şərq və Mərkəzi Asiya ilə iş üzrə departamentinin direktoru Məsud Əhməd bildirib. Fondun məlumatında belə deyilir.
Əhmədin sözlərinə görə, neft məhsulları ixrac edən edən ölkələr vəziyyətin öhdəsindən gəlsələr də, böhran bu məhsulları idxal edən ölkələrə xüsusilə təsir göstərib.
Enerji resurslarını ixrac edən ölkələrə gəlincə isə bu ölkələrdən Azərbaycan, Türkmənistan və Özbəkistan böhranın mənfi təsirlərinin qarşısını almağa müvəffəq olublar. Proqnoza müvafiq olaraq, ixracın xeyli azalmasına baxmayaraq, bu ölkələrin iqtisadi artım göstəriciləri bu il 4-8 faiz arasında dəyişir. Bu ölkələrin qlobal iqtisadi böhranın qarşısını almaq üçün yetərli dərəcədə ayrılmış vəsaiti olub.
Onun sözlərinə görə, Qazaxıstan istisnadır. Bu ölkənin mühüm antiböhran proqramı olsa da bu il Qazaxıstan üçün iqtisadiyyatın azalması müşahidə edilir. Bu da ölkənin bank və neft sektorundakı böhranın nəticəsidir. Qazaxıstan indi də bu böhrana qarşı mübarizə aparır.
"Gələn il ərzində bütün ixracatçı ölkələrin enerji istehlakından qazanclarının artacağı gözlənilir və biz yenə onların iqtisadiyyatının müsbət istiqamətdə artımının şahidi olacağıq", - o belə deyib.
Neft idxal edən ölkələrdən Ermənistan, Gürcüstan, Tacikistan və Qırğızıstan böhranın daha kəskin təsirini hiss ediblər. Xüsusilə də bu il Ermənistanda istehsalatın 15 faiz azalacağı gözlənilir.
Məqalə müəllifi ilə əlaqə ünvanı: [email protected]
