Azərbaycan, Bakı, 13 oktyabr / Trend , müxbir Ü.İsmayılova/
Azərbaycanda Standartlaşdırma, Metrologiya və Patent üzrə Dövlət Komitəsi tərəfindən "Akkreditasiya haqqında" qanun layihəsi hazırlanır, bu barədə Dövlət Komitəsinin Texniki tənzimləmə və standartlaşdırma şöbəsinin başçısı Sabiq Abdullayev bildirib.
"Biz qanun layihəsinin hazırlanmasını cari ilin sonuna kimi tamamlamaq niyyətindəyik və sənəd növbəti ilin əvvəlində hökumətə təqdim ediləcək", - Abdullayev bildirib.
"Ötən həftə Dövlət Komitəsi yeni standartı - kalibrləmə üzrə laboratoriyalara tələbləri təsdiqləyib", - o bildirib.
"Bu laboratoriyaların akkreditasiyası əvvəlcədən qəbul olunmuş beynəlxalq akkreditasiya standartları əsasında keçiriləcək", - Abdullayev bildirib.
"Standartlaşdırma, Metrologiya və Patent üzrə Dövlət Komitəsi milli akkreditasiya sisteminin yaradılması üzrə işləri tezləşdirib", - Dövlət Komitəsinin başçısı Ramiz Həsənov daha öncə bildirib.
"Dövlət Komitəsinin bütün şöbələri beynəlxalq standartlara uyğun normativ bazanın yaradılması üzrə işləri fəallaşdırıb", - Həsənov bildirib.
Artıq milli akkreditasiya sisteminin yaradılması üçün fundamentin yaradılması üçün sənədlər imzalanıb. Onlar arasında akkreditasiya sisteminin əsas maddələri, akkreditasiya sisteminin uyğunluq əlaməti, reysterin aparılması qaydası yer alır. Dövlət Komitəsi bu sahədə beynəlxalq İSO/İEK 17025 standartlarını (tədqiqat və kalibrləmə laboratoriyalarına qoyulan əsas tələblər) tətbiq etməyi planlaşdırır.
"Milli akkreditasiya sisteminin yaradılması ilə əlaqədar olaraq Dövlət Komitəsi İSO beynəlxalq standartlaşdırma təşkilatı ilə sıx əməkdaşlıq edir", - Həsənov bildirib.
Məhsulun texniki reqlament tələblərinə, standartlara və ya təsərrüfat müqavilələrinə uyğunluğu texniki tənzimləmə sahəsində müvafiq orqanlar tərəfindən, eyni zamanda sertifikasiya orqanları, tədqiqat laboratoriyaları və digər təşkilatlar tərəfindən təsdiqlənir. İctimaiyyət və biznes bu təşkilatların səriştəsinə əmin olmalıdır ki, bu da akkreditasiya prosedurunu təmin edir. Akkreditasiya uyğunluğun qiymətləndirilməsi işlərini həyata keçirən təşkilatın səriştəliliyini təsdiqləyir və istehlakçıların onlar tərəfindən alınan məhsul və ya xidmətə etibarını artırır.
Məqalə müəllifi ilə əlaqə ünvanı: [email protected]