Azərbaycan, Bakı, 14 oktyabr / Trend , müxbir E.İsmayılov/
Azərbaycan Nəqliyyat Nazirliyi 134-198 kilometr olan Bakı-Quba-Rusiya sərhəd avtomobil magistralının qalan hissəsinin yenidən qurulması üzrə layihənin texniki-iqtisadi əsaslandırmasını yeniləyir. Bu barədə çərşənbə axşamı Azərbaycanın nəqliyyat naziri Ziya Məmmədov bildirib.
"Bu yol hissəsinin yeni dizaynı Amerika şitkətinə məxsus olacaq. Onun inşasına maliyyələşdirmə mənbəsinin müəyyən edilməsindən sonra başlamaq olar", - Məmmədov bildirib.
Bakı-Quba-Rusiya sərhəd avtomobil magistralının ümumi uzunluğu 208 kilometr təşkil edir, lakin yenidənqurmadan sonra bu göstərici 198 kilometrə kimi azaldılacaq.
Əvvəl, sentyabrda Bakı-Quba-Rusiya sərhəd avtomobil magistralının 118 kilometrlik beton sahəsi istismara verilmişdi. Yolun yenidən qurulması çərçivəsində kommunikasiya infrastrukturunun inşası və dəyişdirilməsi həyata keçirilib, 20 körpü, mal-qaranın sürülməsi üçün doqquz keçid və üç yol ötürücüsü tikilib.
İşlər İtaliyanın Todini Costuruzioni Generali SpA şirkəti tərəfindən həyata keçirilib, texniki nəzarət isə Temelsu-ECO-AUCO şirkət alyansı tərəfindən həyata keçirilib. İşlər 118,7 milyon manat dəyərində qiymətləndirilir. İtaliya şirkəti 136 milyon dollar həcmində işlərin görülməsi üçün müqavilə imzalayıb. 100 milyon dollar həcmində vəsaiti isə Avropa Yenidənqurma və İnkişaf Bankı ödəyib. Qalan vəsait Azərbaycan hökumətinin payına düşüb.
Hazırda Dəvəçi şəhərində Dəvəçi çayı üzərində ölkədə ən uzun və hündür asma körpünün inşası davam etdirilir. Körpü 16 gözlüdür, onun uzunluğu 544 metr, eni 23 metr, hündürlüyü 21 metr təşkil edir. Körpünün seysmik davamlılığı 8-9 ball gücündə qiymətləndirilir.
Nazirin sözlərinə əsasən, hazırda Qəndab dairəsindən Quba şəhər daxili yollarına kimi olan hissənin yenidən qurulması üzrə işlər həyata keçirilir.
Məqalə müəllifi ilə əlaqə ünvanı: [email protected]
