Azərbaycan, Bakı, 18 fevral / Trend , müxbir N.İsmayılova/
Azərbaycan bankı RoyalBank ölkədə ipoteka kreditinin verilməsinin bərpa olunmasından etibarən Mərkəzi Bank yanında fəaliyyət göstərən Azərbaycan İpoteka Fondu (AİF) xətti ilə təxminən 4,5 milyon manat miqdarında 103 ipoteka krediti verib. Bu barədə bankdan bildirilib.
"Bank kreditin verilməsinə iyunda başlayıb və bu günədək artıq 4,15 milyon manat məbləğində 93 standart ipoteka krediti, həmçinin 344 min manat miqdarında güzəştli şərtlərlə 10 kredit verib", - bankdan deyiblər.
İpoteka kreditinin başlaması ilə əlaqədar olaraq 18 bank, 9 qiymətləndirmə şirkəti və 13 sığorta şirkəti AİF-in səlahiyyətlisi təsdiq olunub.
İpoteka kreditləşməsinin şərtləri bunlardır: kreditlər milli valyuta - manatla və yalnız Azərbaycan vətəndaşlarına verilir; ipotekanın obyekti yalnız mənzil və şəxsi ev ola bilər; ipoteka kreditləşməsinin məbləği bazar qiymətlərinin 85 faizini keçməməlidir; kredit üzrə aylıq ödəmə borcgötürənin aylıq gəlirinin 70 faizini keçməməlidir; həyat sığortasının məbləği ipoteka kreditindən çox olmalıdır və s.
Fevralın 18-nə olan cari məzənnə 0,8034 AZN/USD təşkil edir.
