Azərbaycan, Bakı, 26 fevral / Trend , E.İsmayılov/
Azərbaycan Mərkəzi Bankı (AMB) bəzi dövlət təşkilatları ilə danışıqlar aparır. Lakin bu gün ölkədə öz vəziyyətinin sabitləşməsi ücün vəsaitə ehtiyacı olan dövlət müəssisəsi yoxdur. Bu barədə cümə günü AMB İdarə Heyətinin sədri Elman Rüstəmov məlumat verib.
"Lakin sosial layihələrin maliyyələşdirilməsi ehtimalı var ki, hazırda bu, müzakirə predmetidir",-Rüstəmov bildirib.
Ötən ildən başlayaraq Mərkəzi Bank birbaşa iki kredit təqdim edib. 750 milyon manat məbləğində birinci kredit ARDNŞ (Azərbaycan Respublikası Dövlət Neft Şirkəti) tərəfindən illik iki faiz ilə yeddi il müddətinə verilib. Həmin vəsaitdən 450 milyon manat layihəyə cəlb edilən kredit üzrə xarici borcun ödənilməsinə yönəlib, qalanı isə ARDNŞ-nin enerji layihələrinin maliyyələşdirilməsi üçün nəzərdə tutulub.
Azeraluminium ASC strateji müəssisəsinə 202 milyon manat ayrılıb. Artıq bunun 141 milyon manat məbləğində ilk tranşı verilib.
Kredit alüminium zavoduna dövlət zəmanət ilə illik üç faiz kreditlə 10 il müddətinə verilib. Vəsait müəssisənin banklar və xarici tərəfdaşlar qarşısındakı öhdəliklərini yerinə yetirməsinə, ikinci mərhələdə isə alüminiüum sənayesinin inkişafı üzrə tədbirlərin həyata keçirilməsinə yönələcək.
