Azərbaycan, Bakı, 9 mart / Trend , müxbirlər Ü.İsmayılova, A.Hüseynbala/
Azərbaycanın Hesablama Palatasında növbəti kollegiya iclası keçirilib. Bu barədə çərşənbə günü palatadan bildirilib.
Kollegiya iclasında dövlət büdcəsinin "Mənzil-kommunal təsərrüfatı" bölməsindən Bakı şəhər İcra Hakimiyyətinin Mənzil-Kommunal Təsərrüfatı Departamentinə ayrılan vəsaitlərin proqnozlaşdırılması, istifadəsi və Əzizbəyov rayon Mənzil-Kommunal Təsərrüfatı Departamentinə ayrılan vəsaitlərin proqnozlaşdırılması və istifadəsi üzrə keçirilmiş auditlərin nəticələrinə dair hesabat və rəylər müzakirə olunaraq təsdiq edilib və müvafiq qərarlar qəbul olunub.
Azərbaycan Respublikası Nəqliyyat Nazirliyinin "Azərbaycan Dəmir Yolları" QSC-yə Pirallahı qəsəbəsini sahillə birləşdirən dambada sahilbərkitmə işləri və Saatlı-Becar mənzilinin 98-ci km-də Araz çayı üzərində yerləşən metal körpünün tikintisi və yenidən qurulmasına ayrılan vəsaitlərdən istifadənin auditi üzrə audit proqramı da kollegiya iclasında təsdiq edilib.