Azərbaycan, Bakı, 16 aprel /Trend, müxbir N.İsmayılova/
"Gilan" şirkətlər qrupunun Qəbələdəki beton zavodu ("Gilan Qəbələ Beton Zavodu" MMC) Azərbaycan Vergilər Nazirliyində qeydiyyatdan keçirib. Bu barədə Azərbycan Vergilər Nazirliyinin "bir pəncərə" bölməsində deyilir.
Zavodun təsisçisi "Gilan" MMC-dir. Zavod 30 mart 2010-cu ildə 100 manat nizamnamə kapitalı ilə dövlət qeydiyyatından keçib. Şirkətin qanuni nümayəndəsi Mahir İsgəndərovdur.
Bu gün Gilan Holdinqin tərkibinə tikinti materialları istehsalı (beton, gips məhsulları, kərpic və s.), kənd təsərrüfatı məhsulları (konservləşdirilmiş məhsullar, təbii şirələr, makaron və s.) yüngül sənaye (dəri emalı və s.) və turizm (mehmanxana biznesi) sahəsində 20 müəssisə və şirkət daxildir.
