Azərbaycan, Bakı, 2 avqust /Trend, müxbir N.İsmayılova/
Dünya Bankının (DB) ölkə üzrə yeni meneceri Cozef Ouen səlahiyyətlərinin icrasına başlamağa hazırlaşır. Bu barədə bazar ertəsi DB-nin Bakı nümayəndəliyindən bildiriblər.
Ouen bundan əvvəl Nikaraquada ölkə üzrə menecer vəzifəsini tutub. O, Bakıya bazar ertəsi gəlib, artıq vəziyyətlə tanış olur və Azərbaycan hökumətinə təqdim edilməsinə hazırlaşır.
Ölkə üzrə menecerin səlahiyyət müddəti üç ilə nəzərdə tutulub, lakin dördüncü il müddətinə də uzadıla bilər. DB-nin Azərbaycandakı indiki nümayəndəsi Qreqori Yedjeyçak bu səlahiyyəti artıq dördüncü ildir yerinə yetirir və onun müddəti avqustda başa çatır.
